Versi attribuiti a don
Giovanni Gentile alias Chiacchiara.
Poeta dialettale
calabrese nato e deceduto a San Fili. Vissuto a cavallo del XIX e del XX secolo.
Prete, riporta una sua
biografia, più avvezzo alle gonne ed al fucile che al vangelo con il quale si
accompagnava nel corso e tra i vicoli del borgo.
* *
*
Sopra a sinistra foto di cacciatori sanfilesi verso la
fine degli anni Settanta.
Da sinistra: Michele Storino, Franchino Aiello,
Serafino Giraldi, Francesco Lombardo e Vincenzo Rende. Non sappiamo chi è il
fanciullo.
Sulla 850 uno spettacolare cinghiale che avrebbe fatto
crepare d’invidia l’autore di questi stupendi versi.
Siamo nei pressi di piazza Mario Nigro (ex piazza
Caserma).
* *
*
La poesia “A ri
cacciaturi sntufilisi” è stata proposta sul Notiziario
Sanfilese del mese di maggio 2022.
*
* *
I lupi su calati a ru paise,
le vurpe faù la tana pe ra strata;
mo nù stà chju tranquillu lu furise,
la jocca nù stà questa o sbriscerata.
Cu si tri cacciaturi... de parole
i liepueri mo dormenu a ru liettu;
stennicchìati milogna, ‘ntre viole
e pisciami a ra porta, pe dispiettu.
Si mintenu a ra mmuzzu, a ra ‘ssettata,
a cuntà fatti de franciddri e piche;
faù ccu la vucca: bum - chi schiuppettata!
saglienu nu scalune - ih, chi fatighe!
S’ammazzanu n’acieddru scacaturu,
pisanu la carne e cuntanu le pinne;
la gatta ù ne vò sentire l’adduru,
ma a d’iddri u cannaruozzu saglie e scinne.
A videre nu liepure... su stati
- e chi ‘a po’ cuntà - ntra na furesta...
cani de ca, schiuppette a griddri azati,
spara: ta bum; attiuìenti, sta mulesta...
Macchì... chiddru e canusce e si ne vani
tranquillu, a cuda vascia... e chin’u mpurra
tantu su vicini o su luntani,
si sparanu, nu chjavanu a na turra.
La sira, pue la sira... A ra sezione...
trissette e scupa: veri cacciaturi
ca mmiennule priparanu le trone
e faù li stagli dintra quattru muri.
Na vota! .. Eranu tiempi chi lu cane
nu stava dintra a si fa tunnu e grassu;
siecute e fatte e suonu de campane;
la vuce, ntra le macchje, a d’ogne passu.
Na vota! .. Eranu tiempi chi la serra
era la casa de lu cacciature:
liettu de paglia, adduru de la terra:
era nu chjuovu ‘n core, era n’amure.
E mo... tiegnu na collera... chi dicu
è nu dulure quannu sientu e guardu.
Ah, si vivissi ancora mastru Ricu,
ih, si ce fuossi ca sulu Filardu!
Ca i lupi mo ni vienu ‘ntra la casa,
si curca la milogna a ru scalune,
ti chjica l’uocchiu a vurpe a d’ogni rasa,
u liepure è tranquillu a ru fuddrune.
Pecchì si cacciaturi, la schiuppetta
la tienu pe pagare lu satture.
Bah, s’è cuntientu chine nu la jetta
è natu pe d’avì se fricature.
*
* *
Un caro abbraccio a
tutti dal sempre vostro affezionato Pietro Perri.
... /pace ma... “si vis pacem para bellum”!
Nessun commento:
Posta un commento